Тăван чĕлхем! Епле эс çепĕç!

Чĕкеç вĕçевçĕ пек  хитре.

Чун - чĕрене кỹрен киленĕç -

Ялан эс пулăн хисепре!

Санра – хĕвелĕмĕр хĕлхемĕ:

Асамлă шурăм пуç çути:

Ем-ешĕл чечексен илемĕ:

Васкавлă самана утти!

Хăватлă эс: тăван чĕлхемĕр!

Çăл куç пек çутă та таса:

Эс пурăнсамчĕ ĕмĕр-ĕмĕр:

Хăв халăхна вăй-хал парса!

Çапла мухтаса та хавхаланса янăрарĕ  Чăваш эрнине вĕçлесе ирттернĕ концертра чăвашсен  сăвви-юрри. ăна 9-мĕш шкул çумĕнчи ача сачĕнче ĕçлекен Шемякина Л.З. ертсе пычĕ. Ачасем мĕн пĕчĕкрен чăвашла калаçса ỹсчĕр тесе ырми-канми тăрăшать вăл. Ашшĕ-амăшĕсемпе пĕрле зала та питĕ хитре илемлетме пултарнă. Чăвашăн  ĕлĕкхи тумĕ: савăт-сапи: чăваш тĕррипе илемлетнĕ сурпанĕ- ал шăллийĕсем  ачасемшĕн тĕлĕнтермĕш юмах тĕнчи пек туйăнса тăчĕç çак уявра. Пĕчĕкскерсем хăйсем те чăвашла та : вырăсла та кĕске хушăра сăвă-юрă питĕ нумай вĕреннĕ. Ашшĕ-амăшĕсене хăйсен таланчĕсемпе тĕлĕнтерме пултарчĕç ачасем. Уйрăмах  Васильева Аня юрлани пурне те килĕшрĕ. Вăл анне çинчен питĕ илемлĕ юрласа-ташласа кăтартрĕ. Пĕтĕмĕшле вара ĕçчен те вашават чăваш халăхне: унăн илемлĕх тĕнчине халалланă уяв питĕ савăнăçлĕ иртрĕ.