Чăваш чĕлхине вырăс шкулĕнче вĕрентес ĕçре класс тулашĕнчи ĕçсем воспитании тĕлĕшĕнчен пысăк вырăн йышăнаççĕ. Çавăнпа кашни çулах чăваш чĕлхи эрнине ирттереççĕ пирĕн шкулта.  Ку эрнелĕх тĕрлĕрен мероприятисемпе пуян – конкурссем, КВНсем, викторинăсем, экскурсисем, концертсемпе уявсем иртеççĕ çак кунсенче. Паян, сăмахран, Васльева Л.И. 7 «а» классра интерактивлă мелпе хатĕрленĕ вăйă ирттерчĕ. Вăйă 2011-мĕш çулта иртекен космонавтика çулĕпе çыхăннă. Вăл чăвашсен пĕрремĕш космонавчĕ А.Г.Николаев çинчен. Вăйă пуçланиччен  презентации курчĕç ачасем, мухтавлă ентешĕмĕре халалланă сăвăсене илемлĕ вуларĕç. Çак мероприятире ачасем хăйсен пĕлĕвне тарăнлатма, тавра курăмлăхне пуянлатма май тупрĕç. Çиччĕмĕш класра вĕренекенсемшĕн  чăн-чăн уяв пулчĕ. Ачасем те савăнса,  хавхаланса ĕçлерĕç,  ыйтусем çине ăмăртса хуравларĕç. Чи маттуррисене, чи тăрăшуллисене грамотăсем пачĕç.